Палітычныя адносіны

Беларусь і Манголія маюць падобныя пазіцыі па ключавых пытаннях міжнароднага парадку дня, выступаюць супраць стварэння аднапалярнага свету і за захаванне інтарэсаў сярэдніх і малых дзяржаў.

Манголія стала адной з першых краін, якія прызналі дзяржаўны суверэнітэт Рэспублікі Беларусь у снежні 1991 г. Дыпламатычныя адносіны паміж краінамі ўстаноўлены 24 студзеня 1992 г.

Пасольства Рэспублікі Беларусь у Манголіі адкрыта 30 чэрвеня 2014 г. Надзвычайны і Паўнамоцны Пасол Рэспублікі Беларусь у Манголіі Гарэлік Д.М. прызначаны ў чэрвені 2021 г., даверчыя граматы Прэзідэнту Манголіі У.Хурэлсуху ўручыў 8 лістапада 2021 г.

11 кастрычніка 2019 г. Вялікі Дзяржаўны Хурал (парламент) Манголіі прыняў пастанову аб адкрыцці Пасольства Манголіі ў Мінску. 21 мая 2020 г. пасольства пачало сваю дзейнасць. Надзвычайны і Паўнамоцны Пасол Манголіі ў Рэспубліцы Беларусь Б.Баярсайхан пачаў працаваць 21 верасня 2021 г. Прэзідэнт Рэспублікі Беларусь А.Р. Лукашэнка сустракаўся з Прэзідэнтам Манголіі Ц.Элбегдоржам у рамках самітаў ШАС і БРІКС у ліпені 2015 г. у г.Уфе (Расія) і з Прэзідэнтам Манголіі Х.Баттулгай у рамках саміту ШАС у чэрвені 2018 г. г.Ціндаа (Кітай). На палях форуму «Адзін пояс, адзін шлях» у маі 2017 г. у Пекіне Прэзідэнт Беларусі сустрэўся з Прэм'ер-міністрам Манголіі Ж.Эрдэнэбатам.

Міністры замежных спраў Манголіі наведвалі Беларусь з візітамі двойчы: Л.Эрдэнэчулуун у 2001 годзе і Д.Цагтбаатар у 2018 годзе. Візіт Міністра замежных спраў Беларусі В.Л. Сянько ў Манголію адбыўся ў 1996 годзе.

Наступныя дэлегацыі Манголіі наведвалі Беларусь: 2013 год — Міністр прамысловасці і сельскай гаспадаркі Манголіі Х.Баттулга, 2014 год — Міністр дарог і транспарту Манголіі А.Гансух, 2016 год — Міністр будаўніцтва і гарадскога развіцця Манголіі З.Баян-Сэлэнге, 2017 год — Міністр харчавання, сельскай гаспадаркі і лёгкай прамысловасці Манголіі П.Сэргэлэн, 2020 год — Міністр дарог і транспарту Манголіі Б.Энх-Амгалан.

Праведзены два візіты міністраў прамысловасці Беларусі ў Манголію: В.М. Воўка ў 2018 годзе і П.У. Уцюпіна ў 2019 годзе. Праведзена чатыры раунды беларуска-мангольскіх кансультацый паміж МЗС (у верасні 2012 г. у г.Улан-Батары, у маі 2013 г. у г.Мінску, у красавіку 2015 г. у г.Улан-Батары і ў верасні 2019 г. у г.Мінску).

У Нацыянальным сходзе Беларусі створана рабочая група па супрацоўніцтве з Парламентам Манголіі (кіраўнік — член Пастаяннай камісіі Савета Рэспублікі Нацыянальнага сходу Рэспублікі Беларусь па заканадаўстве і дзяржаўным будаўніцтве Шчасны А.Ц.). Пры Вялікім Дзяржаўным Хурале Манголіі створана Мангола-Беларуская парламенцкая група (кіраўнік — Б.Энх-Амгалан). У 2018 годзе кіраўнік МЗС Манголіі Д.Цагтбаатар у якасці кіраўніка парламенцкай групы падчас візіту ў Беларусь сустрэўся са Старшынёй Палаты прадстаўнікоў Нацыянальнага сходу Рэспублікі Беларусь У.П. Андрэйчанкам. Кантакты парламентаў дзвюх краін ажыццяўляюцца ў рамках Групы падтрымкі Шаўковага шляху Парламенцкай Асамблеі АБСЕ.