Гандлёва-эканамічнае супрацоўніцтва
Гандлёва-эканамічныя адносіны Беларусі і Манголіі рэгулююцца Пагадненнем паміж Урадам Рэспублікі Беларусь і Урадам Манголіі аб гандлёва-эканамічным супрацоўніцтве ад 24 студзеня 1992 г. (ўступіла ў сілу 24 студзеня 1992 г.), Пагадненнем паміж Урадам Рэспублікі Беларусь і Урадам Манголіі аб садзейнічанні ажыццяўленню і абароне інвестыцый ад 28 мая 2001 г. (ўступіла ў сілу 27 студзеня 2002 г.) і Пагадненнем паміж Урадам Рэспублікі Беларусь і Урадам Манголіі аб пазбяганні падвойнага падаткаабкладання і папярэджанні ўхілення ад выплаты падаткаў у дачыненнi да падаткаў на даходы і маёмасць ад 28 мая 2001 г. (ўступіла ў сілу 12 сакавіка 2007 г.).
У 2019 года ў двухбаковых гандлёва-эканамічных адносінах стаў даступны механізм экспартнага крэдытавання Банкам развіцця Рэспублікі Беларусь паставак у Манголію беларускіх тавараў (работ, паслуг). Генеральнае пагадненне паміж Урадам Рэспублікі Беларусь і Урадам Манголіі аб прадастаўленні экспартнага крэдыту падпісана 19 красавіка 2019 г. (ўступіла ў сілу 11 кастрычніка 2019 г.).
У рамках схемы экспартнага крэдыту ўжо рэалізуецца праект па пастаўцы Дзяржаўнаму агенцтву па надзвычайных сітуацыях Манголіі беларускай супрацьпажарнай тэхнікі на шасі «МАЗ».
Ва ўзаемным гандлі Беларусі і Манголіі традыцыйна пераважаюць пастаўкі тавараў з Беларусі, пастаўкі з Манголіі нязначныя.
У 2020 годзе ўзаемны тавараабарот склаў 49,6 млн. долараў (147,1 працэнта да 2019 года), у Манголію пастаўлена беларускіх тавараў на суму 49,5 млн. долараў (146,6 працэнта), з Манголіі ў Беларусь — 153,6 тыс. долараў.
Дынаміка двухбаковага гандлю таварамі (2014 – 2020 гг.)
тыс. долараў ЗША
|
|
Тавараабарот |
Пастаўкі з Беларусі |
Пастаўкі з Манголіі |
|
2014 |
22 362,5 |
21 663,8 |
698,7 |
|
2015 |
23 195,5 |
23 149,9 |
45,6 |
|
2016 |
9 895,7 |
9 826,9 |
68,8 |
|
2017 |
13 642,4 |
13 517,6 |
124,8 |
|
2018 |
19 458,2 |
19 116,4 |
341,8 |
|
2019 |
33 717,2 |
33 668,4 |
48,8 |
|
2020 |
49 604,6 |
49 451,0 |
153,6 |
|
2020, % да 2019 |
147,1 |
146,9 |
314,8 |
Найбольш значныя таварныя пазіцыі, што пастаўляюцца ў Манголію з Беларусі ў 2019-2020 гадах: к
ар'ерныя самазвалы, аўтамабілі спецпрызначэння, сухое малако, дарожная і будаўнічая тэхніка, тара пластмасавая, аўтамабілі для перавозкі 10 і больш чалавек, часткі і прылады для аўтамабіляў і трактароў, лекавыя сродкі, мучныя кандытарскія вырабы, мэбля, спецыфічныя тавары, віны вінаградныя натуральныя.
З Манголіі ў Беларусь пастаўляўся плавікавы шпат і вырабы з кашміра.
Абарот паслуг паміж Беларуссю і Манголіяй у 2020 годзе склаў 6,6 млн. долараў (106,3% да 2019 года). Пры гэтым Рэспублікай Беларусь аказана паслуг на суму 4,9 млн. долараў, Манголіяй — 1,7 млн. долараў.
Адбылося пяць пасяджэнняў Сумеснай Беларуска-Мангольскай камісіі па гандлёва-эканамічным супрацоўніцтве (пятае — у чэрвені 2019 г. у Улан-Батары). З беларускага боку Камісію ўзначальвае Міністр прамысловасці, з мангольскага — Міністр харчавання, сельскай гаспадаркі і лёгкай прамысловасці.
Праведзена два пасяджэння двухбаковай Рабочай групы па супрацоўніцтве ў сферы сельскай гаспадаркі (другое — у ліпені 2018 г. у Мінску).
У жніўні 2018 г. у Улан-Батары прайшло першае пасяджэнне Беларуска-Мангольскай камісіі па міжнародных аўтамабільных зносінах.
