Аб наведванні Інстытута стратэгічных даследаванняў Манголіі
20.01.2022 г.
20 студзеня 2022 г. Пасол Рэспублікі Беларусь у Манголіі Дзмітрый Гарэлік наведаў Інстытут стратэгічных даследаванняў пры Нацыянальным савеце бяспекі Манголіі.
Пасол азнаёміўся са структурай і асаблівасцямі дзейнасці Інстытута. Таксама, Дзмітрый Гарэлік выступіў з прэзентацыяй аб стане і развіцці двухбаковых адносін Беларусі і Манголіі, а таксама Канцэпцыі нацыянальнай бяспекі Беларусі.
У ходзе сустрэчы з дырэктарам Інстытута, генералам Б.Даваадорджам, бакі абмяняліся думкамі па пытаннях развіцця двухбаковых адносін, бяспекі і перспектывах супрацоўніцтва Інстытута стратэгічных даследаванняў пры Нацыянальным савеце бяспекі Манголіі і Беларускага інстытута стратэгічных даследаванняў (БІСД).
