:

Беларусь Улсын Элчин сайд М.Орда, Монгол Улсын Тэргүүн Шадар сайд бөгөөд Эдийн засаг, хөгжлийн сайдтай хийсэн уулзалтын тухай

12.11.2026 г.


2026 оны 11 дүгээр сарын 12-ны өдөр Бүгд Найрамдах Беларусь Улсаас Монгол Улсад суугаа Онц бөгөөд Бүрэн эрхт Элчин сайд Михаил Орда Монгол Улсын Тэргүүн Шадар сайд бөгөөд Эдийн засаг, хөгжлийн сайд Жадамбын Энхбаяртай уулзав.

Талууд 2026 оны 10 дугаар сарын сүүлчээр Монгол Улсын Төрийн тэргүүн У.Хүрэлсүхийн төрийн айлчлалын үеэр Беларусь Улс, Монгол Улсын Ерөнхийлөгч нарын хүрсэн тохиролцоог хэрэгжүүлэхэд хоёр улсын цаашид авах арга хэмжээний талаар дэлгэрэнгүй хэлэлцэв.

Машин үйлдвэрлэл, хөдөө аж ахуй, хөнгөн үйлдвэрийн салбарт хоёр талын хамтарсан төслүүдийг хэрэгжүүлэх ажлыг зохион байгуулахад онцгой анхаарал хандуулав. Талууд тодорхойлсон төслүүдийг идэвхтэй урагшлуулах, харилцан ашигтай шинэ санал санаачилгуудыг эрэлхийлэх чиглэлээр хамтран ажиллахаар тохиролцов.

Михаил Орда Беларусь, Монголын харилцааг хөгжүүлэхэд хувь нэмэр оруулж байгаа Жадамбын Энхбаярт талархал илэрхийлж, ЕАЭЗХ болон Монгол Улсын хооронд байгуулсан Худалдааны түр хэлэлцээрийг хэрэгжүүлэх, бодитой ашиглах үйлсэд Монгол Улсын Эдийн засаг, хөгжлийн яамны гүйцэтгэж буй тусгай үүргийг онцлон тэмдэглэв.

Беларусь Улсын Элчин сайд, Монгол Улсын Тэргүүн Шадар сайд нар беларусь-монголын хамтын ажиллагааны бүхий л чухал асуудлуудаар шуурхай харилцан үйлчилж, түүнчлэн хоёр улсын хоорондын худалдааг хөгжүүлэхэд саад бэрхшээл учруулж байгаа асуудлуудыг шийдвэрлэхэд болох бүх хүч чармайлалтаа гаргахаар тохиролцов.

Хэвлэх хувилбар

Belarusian Diplomatic Missions

All Missions Belarus' Foreign Ministry
Go to