Беларусийн орчин үеийн дипломат албаны 105 жилийн ойн тухай

2024 оны 1-р сарын 22-ны өдөр Беларусийн орчин үеийн дипломат алба 105 нас хүрч байна.

 1919 оны энэ өдөр Зөвлөлт Социалист Бүгд Найрамдах Беларусь Улс (ЗСБНБУ)-ын Гадаад хэргийн асуудал эрхэлсэн комиссарын газрын үйл ажиллагаа эхэлсэн тухай анхны олон нийтийн мэдэгдэл “Звязда” сонинд нийтлэгдэж, Минск хотын Койдановская гудамж, 21 (одоогийн Революционная гудамж, 15) хаягаар байрлаж байгааг заасан билээ.

Архивын баримтаас харахад 12-хон хүний ​​цомхон бүрэлдэхүүнтэй дипломат албаны анхны дарга нь Зөвлөлт Беларусийн Бүгд Найрамдах Улсын Ажилчин тариачдын түр засгийн газрын гишүүн, Гадаад хэргийн асуудал эрхэлсэн комиссар Всеволод Степанович Фальский байжээ.

1921 оны 3-р сарын 24-ны өдөр Москвад залуу Зөвлөлт Беларусийн анхны дипломат төлөөлөгчийн газар нээгдэв. ЗСБНБУ-ын ЗСБНХОУ (РСФСР) дахь бүрэн эрхт төлөөлөгчийн газар нь дипломат корпусын бүрэлдэхүүнд багтаж, дархан эрх, давуу эрх эдэлж, ЗСБНХОУ-ын Гадаад хэргий асуудал эрхэлсэн Ардын комиссариат болон Москва дахь дипломат төлөөлөгчийн газруудтай албан ёсны харилцаатай байв. Тэр үеийн хэд хэдэн эх баримт бичиг өнөөдөр Беларусийн Гадаад хэргийн яамны Түүхийн төвд хадгалагдаж байна.

ЗСБНБУ-ын Гадаад хэргийн яамны тухайн үеийн болон ирээдүйн ажилтнууд фашизмыг ялахад хувь нэмрээ оруулсан. Беларусийн дипломат албаны ахмадуудун дунд Аугаа эх орны дайны 90 гаруй ахмад дайчид байна.

Беларусийн дипломатын хөгжлийн дараагийн чухал түүхэн үе шат бол 1944 онд ЗСБНБУ-ын Гадаад хэргийн Ардын Комиссарыг сэргээж, дараа нь 1946 онд түүний үндсэн дээр ЗСБНБУ-ын ГХЯ-ыг байгуулсан явдал байв.

Гитлерийн Германыг ялахад ЗСБНБУ-ын оруулсан хувь нэмрийг дэлхийн хамтын нийгэмлэг хүлээн зөвшөөрсний тэмдэг болгон Беларусийн ЗСУ-г НҮБ-ыг үүсгэн байгуулагчдын гишүүнээр элсүүлж, 1945 онд НҮБ-ын дүрэмд гарын үсэг зурав. ЗСБНБУ-ийн төлөөлөгчийн газрууд Нью-Йорк дахь НҮБ-д, Вена, Парис, Женев зэрэг хотууд дахь олон улсын байгууллагуудад нээгдэв.

Өнөөдрийн байдлаар Бүгд Найрамдах Беларусь Улс дэлхийн 183 оронтой дипломат харилцаа тогтоогоод байна. Манай улс хилийн чанадад 70 дипломат төлөөлөгчийн газартай, тухайлбал: 56 элчин сайдын яам, 2 байнгын төлөөлөгчийн газар, 11 ерөнхий консулын газар, 1 консулын газар.

Мэдээжийн хэрэг, 105 жилийн хугацаанд дэлхийд маш их зүйл өөрчлөгдсөн боловч Беларусийн дипломат албаны үндсэн чиг үүрэг өөрчлөгдөөгүй хэвээр байна. Энэ бол тусгаар тогтнол, бүрэн эрх байдлыг хамгаалах, үндэсний ашиг сонирхол, төрийн хууль ёсны эрхийг хамгаалах, олон улсын тавцанд ялгаварлан гадуурхахаас урьдчилан сэргийлэх, гадаад эдийн засгийн тогтвортой хөгжлийг хангах, үзэл бодол нэгтэй хүмүүстэй хамтран дэлхийн шударга дэг журмыг хэрэгжүүлэх зарчмуудыг дэмжих юм.

Беларусийн дипломат алба 105 жилийн турш энх тайван, бүтээн байгуулалт, хөгжлийн зарчмуудыг тууштай баримталж буйгаа практикт нотлон харуулж байна.

Хэвлэх хувилбар