9-р сарын 22-25-ны өдрүүдэд болох “ Ulaanbaatar Partnership ” 47 дахь удаагийн олон улсын үзэсгэлэнгийн хүрээнд Бүгд Найрамдах Беларусь улсын үндэсний үзэсгэлэнг толилуулах гэж байна
05.09.2022 г.9-р сарын 22-25-ны өдрүүдэд болох “ Ulaanbaatar Partnership ” 47 дахь удаагийн олон улсын үзэсгэлэнгийн хүрээнд Бүгд Найрамдах Беларусь улсын үндэсний үзэсгэлэнг толилуулах гэж байна. Үзэсгэлэнд хүнсний үйлдвэр, механик инженерчлэл, эм зүй, шинжлэх ухааны салбарын аж ахуйн нэгжүүд оролцож, Беларусийн өвөрмөц бүтээгдэхүүн, шинэ үйлдвэрлэлийг Монголын хэрэглэгчдэд санал болгох болно. Беларусийн павильоны нийт талбай 150 м.кв гаруй байх болно.
Аж үйлдвэрийн яам: БЕЛАЗ, “Бобруйскагромаш”, “Гомсельмаш”, Минскийн автомашины үйлдвэр, Козловын нэрэмжит Минскийн цахилгаан техникийн үйлдвэр.
Бүгд Найрамдах Беларусь улсын үндэсний үзэсгэлэнгийн өвөрмөц үзмэрүүдийн дунд Беларусийн автомашины үйлдвэрийн хамгийн сүүлийн үеийн бүтээн байгуулалт болох 220 тонн даацтай дизель ачааны троллейбусны загвар багтжээ. Автосамосвал нь Монгол улсын карьеруудад үр ашигтай ажиллахад зориулагдсан бөгөөд гаднаас эрчим хүчээр хангагдсаны ачаар машин нь түлшийг ихээхэн хэмнэж, уул уурхайн ложистикийн боломжуудыг дээд зэргээр ашигладаг.
Козловын нэрэмжит Минскийн цахилгаан техникийн үйлдвэр нь Монголд хэрэглэгдэж байгаа газрын тос үйлдвэрлэх тоног төхөөрөмжийг тэжээх орчин үеийн цахилгаан трансформаторыг танилцуулах болно.
“Белфармпром” холдинг: “Белмедпрепараты”, Борисовын Эмнэлгийн бэлдмэлийн үйлдвэр ба Минскийн интеркапс
Цусны бүлэгнэл үүсэхээс сэргийлдэг шинэ эмийг “Белмедпрепарат” танилцуулах болно. Уг эм нь одоо байгаа цусны бүлэгнэлтийн өсөлтийг зогсоож, шинээр үүсэхээс сэргийлдэг. Тус эмийг мэс заслын эмчилгээ, angina pectoris эсвэл миокардийн шигдээсийн үед хэргэлдэг. Энэхүү шинэлэг зүйл нь “Белмедпрепарат”-ийн Монголд тогтмол нийлүүлдэг нүдний дусаалга, антибиотик, антикоагулянт зэрэг бүтээгдэхүүнүүдтэй зэрэгцэн худалдааны орон зайг эзлэх боломжтой.
“Белгоспищепром” концерн:
“Белсолод”, Витебскийн ликёр-архины үйлдвэр “Придвинье”, Климовичи ликёр-архины үйлдвэр, “Коммунарка”, “Красный Пищевик”, “МИНСК КРИСТАЛЛ”, “Слодыч”, “Спартак”, түүнчлэн “Бабушкина Крынка”, Гродногийн мах боловсруулах үйлдвэр , Лидскийн сүүн-консервны комбинат, Слуцкийн бяслагны үйлдвэр
Хүнсний хэсэгт зочдод “Слодыч” чихрийн үйлдвэрийн шинэлэг зүйлсийн нэг болох эдгээх нөлөөтэй карамель амттанг санал болгох болно. Беларусийн үйлдвэрлэлийн өвөрмөц амтат чихэр нь үрэвслийн эсрэг шинж чанартай бөгөөд чихрийн шижин өвчтэй хүмүүсийн цусан дахь холестерины хэмжээг бууруулдаг – энэ бол бүтээгдэхүүний нэг хэсэг болох шалфей буюу мэргэн өвсний хандын үр нөлөө юм.
Эдгээр болон бусад шинэлэг зүйлсийг аж ахуйн нэгж, шинжлэх ухааны байгууллагуудын өргөн хүрээний мах, сүүн бүтээгдэхүүн, чихэр, согтууруулах ундаа, шинжлэх ухаан, техникийн дэвшлийн хамт танилцуулах болно.
Беларусийн Үндэсний Шинжлэх Ухааны Академи: Мах, сүүний үйлдвэрийн хүрээлэн, Мал аж ахуйн шинжлэх ухаан практикийн төв, «НПО Центр», Системийн шинжилгээ, стратеги судалгааны төв
Бүгд Найрамдах Беларусь улсын үндэсний үзэсгэлэн Мишель төвийн Е хэсэгт байрлана. Бүгд Найрамдах Беларусь Улсын Үндэсний үзэсгэлэнгийн зохион байгуулагч нь Беларусийн Худалдаа, аж үйлдвэрийн танхимын “Белинтерэкспо” үзэсгэлэнгийн компани юм. Үзэсгэлэнг Бүгд Найрамдах Беларусь Улсаас Монгол Улсад суугаа Элчин сайдын яамны дэмжлэг, идэвхтэй оролцоотойгоор зохион байгуулна.
