Элчин сайд Д.Горелик Монгол Улсын Их Хурлын гишүүнтэй хийсэн уулзалтын тухай

2023 оны 9 дүгээр сарын 14-ний өдөр Бүгд Найрамдах Беларусь Улсаас Монгол Улсад суугаа Онц бөгөөд Бүрэн эрхт Элчин сайд Дмитрий Горелик Монгол Улсын Их Хурлын дэргэдэх Гадаад бодлого, аюулгүй байдлын байнгын хорооны дарга, Монгол, Беларусийн парламентын бүлгийн дарга Бямбасүрэнгийн Энх-Амгалантай уулзав.

Уулзалтын үеэр талууд эдийн засаг, хүмүүнлэг, соёлын салбарын хоёр талын хамтын ажиллагааны чухал асуудлын талаар болон хоёр талын ирээдүйтэй төслүүдийн хэрэгжилтийн талаар ярилцав. Беларусь Улсаас Монгол Улсад суугаа Элчин сайд Беларусь, Монгол хоёр улсын парламент хоорондын хамтын ажиллагаа идэвхжиж байгааг сайшаав. Бямбасүрэнгийн Энх-Амгалан Беларусь улсад 2023 оны 11 дүгээр сард хийхээр төлөвлөж буй айлчлал нь Беларусь, Монголын парламент хоорондын үр дүнтэй хамтын ажиллагаанд хэрэгцээтэй түлхэц болно гэдэгт итгэлтэй байгаагаа илэрхийлэв.

Хэвлэх хувилбар