Олон улсын аж үйлдвэрийн онлайн үзэсгэлэн TeMEx аравдугаар сард эхэлнэ

2020 оны 10-р сарын 14-нд дэлхийн  олон орны аж ахуйн компаниуд, томоохон хэмжээний машин, үйлдвэрлэлийн түүхий эд бэлтгэн нийлүүлэгчдээс эхлээд шинжлэх ухаан, техникийн хөгжил, мэдээлэл технологийн шийдэл, үйлдвэрлэлийн автоматжуулалт хүртэлх хөгжлийг хамруулсан нэг сайт дээр нэгдэх онлайн үйлдвэрлэлийн үзэсгэлэн TeMEx эхэлнэ.

Цар тахлын үеэр аж ахуйн нэгжүүдийн хооронд үзэсгэлэн гаргаж харилцах  харилцааг  түдгэлзүүлсэн боловч олон оронд үйлдвэрлэлийн үйл явц, шинэ төрлийн бүтээгдэхүүний судалгаа, боловсруулалт үргэлжилж байв. TeMEx онлайн үйлдвэрлэлийн үзэсгэлэн нь аж үйлдвэрийн компаниудад шинэ бүтээгдэхүүн, бизнесийн саналаа олон  орны  түншүүддээ үзүүлэх боломжийг олгоно.

Үзэсгэлэнгийн нэр нь Технологи ба Машин Механизмын Экспо гэсэн үг бөгөөд «Технологи ба тоног төхөөрөмжийн үзэсгэлэн» гэсэн үг юм. Үзэсгэлэнгийн гол уриа нь «Бүх холбоос чухал!» — улс бүрийн үндэсний аж үйлдвэрийг дэлхийн эдийн засгийн экосистемтэй харьцуулах санааг онцлох зорилготой.

Тоног төхөөрөмж, аж үйлдвэрийн бүтээгдэхүүний салбар нь уул уурхай, сургалт, үйлдвэрлэлийн үйл явцыг оновчтой болгож, улс ардын аж ахуйн олон салбараар тэжээгддэг бөгөөд эргээд нийгмийн янз бүрийн салбарт нөлөөлж байдаг.  Хэтрүүлэлгүйгээр хэлэхэд улс орнуудын ард түмний эв найртай хөгжил, сайн сайхан байдал нь үндэсний болон олон улсын аж үйлдвэрээс хамаарна! TeMEx үзэсгэлэн нь энэ хүнд хэцүү цаг үед үйлдвэрлэлийн бүтээгдэхүүний олон улсын худалдааг сурталчлах, янз бүрийн орны мэргэжилтнүүд хоорондоо туршлага солилцох зорилгоор  зохион байгуулагдаж байна. 

Үзэсгэлэнгийн хүрээнд олон орны төрийн байгууллагууд, аж ахуйн нэгжүүдийн төлөөлөлийг оролцуулан холбогдох хэд хэдэн бизнес арга хэмжээг онлайнаар зохион байгуулна.

Үзэсгэлэнд оролцохоор Беларусийн үйлдвэрлэлийн тэргүүлэх байр суурийг харуулсан Беларусийн Үндэсний Шинжлэх Ухааны Академи, АМКОДОР, БЕЛАЗ, Беларусийн Металлургийн үйлдвэр, Минскийн автомашины үйлдвэр, В.И. Козловын нэрэмжит Минскийн цахилгаан техникийн үйлдвэр, «Могилевлифтмаш„оролцохоо илэрхийлжээ.

TeMEx аж үйлдвэрийн онлайн үзэсгэлэнгийн албан ёсны түнш нь Европын банкуудын Raiffeisen International группын бүрэлдэхүүнд багтдаг Беларусь улсад үйл ажиллагаа явуулдаг арилжааны «Приорбанк»  банк юм.

Олон улсын аж үйлдвэрийн онлайн үзэсгэлэн TeMEx нь Беларусийн Худалдаа Аж Үйлдвэрийн Танхимын ивээл дор, Бүгд Найрамдах Беларусь Улсын Аж Үйлдвэрийн Яам,  Шинжлэх Ухааны Академи, Беларусийн аж үйлдвэрийн газрууд, Беларусийн гадаадад суугаа дипломат төлөөлөгчийн газруудын дэмжлэгтэйгээр зохион байгуулагдана. Түүнчлэн үзэсгэлэнг хэд хэдэн орны аж үйлдвэрийн яам, шинжлэх ухааны байгууллага, худалдаа, аж үйлдвэрийн танхим, бизнесийн холбоод дэмжиж ажиллаж байна.

TeMEx олон улсын онлайн үзэсгэлэнгийн зохион байгуулагч нь Беларусийн Худалдаа Аж Үйлдвэрийн Танхимын «Белинтерэкспо»  аж ахуйн нэгж юм. Вэбсайт: www.belinterexpo.by

Хэвлэх хувилбар